ԵՐԵՎԱՆ, ՀՈՒՆԻՍԻ 3, 24News
ՀԱՊԿ ԽՎ պաշտոնական կայքը հայտնում է, որ ՀԱՊԿ Խորհրդարանական վեհաժողովի Խորհուրդը հունիսի 15-ին տեսակոնֆերանսի ձևաչափով նիստ կանցկացնի։
Նիստի ընթացքում կքննարկվեն կորոնավիրուսային իրավիճակում միջազգային, հավաքական և ազգային անվտանգության ապահովման արդիական հարցեր:
ՀԱՊԿ ԽՎ Խորհրդի նիստի մասնակիցները մտադիր են հատուկ ուշադրություն դարձնել «կորոնավիրուսով պայմանավորված իրավիճակին»:
Բացի այդ, Խորհրդի անդամները կքննարկեն ՀԱՊԿ ԽՎ գործունեության ֆինանսավորման հարցը:
ՀԱՊԿ գլխավոր քարտուղար Ստանիսլավ Զասը Խորհրդի անդամներին կզեկուցի ՀԱՊԿ Հավաքական անվտանգության խորհրդի՝ 2019 թվականի նոյեմբերի նիստի արդյունքները:
Խորհրդի նիստին կմասնակցեն ՀԱՊԿ անդամ պետությունների՝ Հայաստանի, Բելառուսի, Ղազախստանի, Ղրղզստանի, Ռուսաստանի Դաշնություն և Տաջիկստանի խորհրդարանական պատվիրակությունների ղեկավարները, Սերբիայից, Աֆղանստանից, Ռուսաստանից և Բելառուսից ՀԱՊԿ ԽՎ-ում դիտորդները, ՀԱՊԿ և ՀԱՊԿ ԽՎ-ի քարտուղարությունների ներկայացուցիչները:
Հայաստանից նիստին կմասնակցի Ազգային ժողովի փոխխոսնակ, ՀԱՊԿ ԽՎ-ում հայկական խորհրդարանական պատվիրակության անդամ Ալեն Սիմոնյանը։