ԵՐԵՎԱՆ, ՀՈւՆԻՍԻ 8, 24News
ՀՀ նախագահ Արմեն Սարգսյանը ստացել է ՀՀ վարչապետ Նիկոլ Փաշինյանի առաջարկությունները՝ Ազգային անվտանգության ծառայության տնօրեն Էդուարդ Մարտիրոսյանին և ԶՈՒ գլխավոր շտաբի պետ Արտակ Դավթյանին պաշտոնից ազատելու վերաբերյալ։
Այդ մասին «Արմենպրես»-ի հետ զրույցում հայտնել են ՀՀ նախագահի աշխատակազմի հասարակայնության հետ կապի վարչությունից։
ԳՇ պետի մասով ավելի վաղ հայտնել էինք, որ հունիսի 7-ին Արտակ Դավթյանն արտակարգ դրության պայմաններում հարսանիք է արել։ Խնջույքը կազմակերպվել էր Բագրևանդի առանձնատանը, որին, ըստ շրջանառվող լուրերի, 100-ից ավելի հյուր է եղել: Դրսում կայանած ավտոմեքենաների թվում եղել են նաև ՊՆ պետհամարանիշներով մեքենաներ։
Նշենք նաև, որ պարետի սահմանած արտակարգ դրության կանոնների համաձայն, հավաքույթներն ու խնջույքներն արգելվում են:
--0--ԼՄ