ԵՐԵՎԱՆ, ՀՈՒՆԻՍԻ 10, 24News
Համավարակի այս սպառնալիքի և արտակարգ դրության պայմաններում կառավարության հրաժարականի կոչ անել վարչապետին և կառավարությանն ինձ համար անհասկանալի է։ Այս մասին լրագրողներրի հետ ճեպազրույցում ասել է Կոտայքի մարզպետ Ռոմանոս Պետրոսյանը։
«Ընկալելի կլիներ, երբ թիրախային, առարկայական քննադատություն հնչեր, կոնկրետ ծրագրային տարբերակներ առաջարկվեին», - ասել է նա։
Մարզպետը նշել է, թե հույս կա, որ ԲՀԿ-ն նոր քաղաքական մշակույթի շրջանակներում կվերափոխվի, բայց ակնկալիքները չադարացան։
Պետրոսյանը հավելել է, որ իշխանափոխության կոչերին թերահավատորեն է վերաբերում․
«ԲՀԿ-ն, գուցե իմ սուբյեկտիվ գնահատականով, հանրության շրջանում այդ աջակցությունն ու ռեյտինգը չունի՝ իշխանափոխություն կատարելու»։
--0—ՄՀ