ԵՐԵՎԱՆ, ՀՈւՆԻՍԻ 18, 24News
Ոստիկանության Շենգավիթի բաժնի հետաքննչական բաժանմունքում նյութեր են նախապատրաստվում Շենգավիթ վարչական շրջանի ղեկավար Ռազմիկ Մկրտչյանի, Շենգավիթ վարչական շրջանի ղեկավարի տեղակալ Համլետ Գրիգորյանի և Շենգավիթ վաչական շրջանի ղեկավարի օգնական Անդրանիկ Մինասյանի կողմից Շենգավիթի թաղապետարանում թաղապետարանի աշխատակցին ծեծի ենթարկելու փաստով։ Այդ մասին հայտնում է shamshyan.com-ը:
Ըստ աղբյուրի՝ հունիսի 15-ին, մոտավորապես ժամը 17։00-ի սահմանում, Հ. Գրիգորյանի աշխատասենյակում թաղապետը, տեղակալն ու օգնականը ծեծի են ենթարկել 52-ամյա Գևորգ Պողոսյանին։ Ծեծի ընթացքում Գ. Պողոսյանը ընկել է գետնին, և դա չի խանգարել ծեծողներին, և շարունակել են հարվածել։
Միջադեպի պատճառն այն է, որ Շենգավիթի վարչական շրջանի ղեկավարի աշխատակազմում որպես համակարգչային օպերատոր աշխատող Գ. Պողոսյանին թաղապետն ու տեղակալն ասել են, որ նա պետք է աշխատանքից ազատման դիմում գրի, սակայն Գ. Պողոսյանը մերժել է, ինչից հետո պաշտոնյաները գործի են դրել բռունցքները։
Աղբյուրը հրապարակել է նաև Շենգավիթ վարչական շրջանի ղեկավար Ռազմիկ Մկրտչյանի և Շենգավիթ վարչական շրջանի ղեկավարի տեղակալ Համլետ Գրիգորյանի լուսանկաները (ձախից՝ աջ):
--00—ԼՄ