ԵՐԵՎԱՆ, ՀՈւՆԻՍԻ 19, 24News
Հանրային ծառայությունները կարգավորող հանձնաժողովը հրավիրված նիստի ժամանակ որոշում կայացրեց գազի սակագների փոփոխության վերաբերյալ։
Նիստի ընթացքում որոշվեց՝ բնակիչ-բաժանորդների համար գազի սակագինը թողնել անփոփոխ։
Փոփոխության կենթարկվի միայն գյուղատնտեսության ոլորտում գործունեություն իրականացնող ջերմոցային տնտեսությունների, վերամշակող՝ պահածոների, խմիչքների և կաթնամթերքի արտադրությամբ զբաղվողներին վաճառվող բնական գազի գինը՝ 1000 խմ-ի դիմաց 212 դոլարից դառնալով 224 դոլար:
Որոշակի սակագնային փոփոխություն կլինի նաև ամսական 10 հազար խմ-ն գերազանցող սպառողների համար, որոնց մեջ ներառված են ԱԳԼՃԿ-ները, 1000 խմ-ի դիմաց 242.1 դոլարի փոխարեն կդառնա 255.91 դոլար։
Այսպիսով, սպառողներին վաճառվող բնական գազի միջին կշռութային սակագինը 1000 խորանարդ մետրի դիմաց 255.06 դոլարից սահմանվում է 266.71 դոլար։
Որոշումն ուժի մեջ կմտնի 30 օրից։
--00—ԼՄ