ԵՐԵՎԱՆ, ՆՈՅԵՄԲԵՐ 12, 24News
ՀՀ պաշտպանության նախարարությունը շվեդական կործանիչներ գնելու վերաբերյալ որոշում այս պահին չունի: Այս մասին ՊՆ-ում ասուլիսի ժամանակ ասել է ՀՀ պաշտպանության նախարարի պաշտոնակատար Դավիթ Տոնոյանը:
«Եկեք չկենտրոնանանք որևէ զինատեսակի վերաբերյալ ՀՀ ՊՆ որևէ առաջարկության վրա: Մենք բոլոր առաջարկություններն ուսումնասիրում ենք, ու գնին, որակին ու մատակարարման ժամկետներին համապատասխան որոշումներ են կայացվում: Որևէ որոշում Gripen-ների վերաբերյալ այս պահին չկա»,- նշել է Տոնոյանը:
Նախարարի պաշտոնակատարը նաև տեղեկացրել է, որ կա այլ առաջարկ այլ գործընկերոջից, որը շատ լուրջ ուսումնասիրվում է, ու մոտ ապագայում որոշում է կայացվելու ձեռքբերումների հետ կապված: