Մենք խաղաղ Էինք մեր լեռների պես, դուք հողմերի պես խուժեցիք վայրագ. Արարատ Միրզոյան

ԵՐԵՎԱՆ, ՀՈւԼԻՍԻ 13, 24News

վայրագ

ԱԺ խոսնակ Արարատ Միրզոյանը ֆեյսբուքյան էջում լուսանկար է հրապարակել հայկական լեռնաշխարհից և կից հրապարակել Հովհաննես Շիրազի «Էքսպրոմտ» բանաստեղծությունը:

«Մենք խաղաղ Էինք մեր լեռների պես,
Դուք հողմերի պես խուժեցիք վայրագ:

Մենք ձեր դեմ ելանք մեր լեռների պես,
Դուք հողմերի պես ոռնացիք վայրագ:

Բայց մենք հավերժ ենք մեր լեռների պես,
Դուք հողմերի պես կկորչեք վայրագ»,-գրել է Միրզոյանը:

Հիշեցնենք, որ հուլիսի 12-ի ցերեկը՝ ժամը 12:30-ի սահմանում, Ադրբեջանի զինված ուժերի զինծառայողները անհասկանալի պատճառով ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են արել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք: Ժամը 13: 45-ին Ադրբեջանի ԶՈՒ զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել: Հայկական կողմից կորուստներ չկան:

Հուլիսի 13-ի առավոտյան ադրբեջանական կողմը վերսկսել է կրակոցները:

--00—ԼՄ

Տեսանյութեր

Live

Լրահոս