Թուրքի աչքը հանելու ենք, գյուղն էլ՝ պահենք. կադրեր սահմանամերձ Վազաշենից

ԵՐԵՎԱՆ, ՀՈՒԼԻՍԻ 13, 24News 

Տավուշի մարզի սահմանամերձ Բերդ համայնքում հուլիսի 14-ի առավոտյան հակառակորդը վերսկսել էր կրակոցները՝ անօդաչու թռչող սարքերով թիրախավորելով գյուղը: 

Իրավիճակով պայմանավորված Բերդ տանող ճանապարհին առավոտից տեղակայված էին ոստիկանական պահակակետեր: 

Հարակից մեկ այլ սահմանամերձ գյուղում՝ Վազաշենում, կյանքը համեմատաբար խաղաղ է, բայց կրակի տակ գտնվող գյուղերում հնչող կրակոցների ձայները լսել են նաև այստեղ: 

24News-ին գյուղի բնակիչները պատմել են, որ անկախ ամեն ինչից չեն պատրաստվում լքել իրենց բնակավայրը, հակառակորդի կրակոցներին էլ սովորել են, վախեր չունեն. 

«Ժամանակին, որ թուրքը մտել ա, ամեն ինչ էլ տեսել ենք: Պիտի միասին լինենք, գյուղը պաշտպանենք»,-ասաց սահմանամերձ գյուղի բնակիչներից մեկը:

Սոնա Գրիգորյան

--0--ԿԿ