Պատրաստակամ եմ 10000 դրամով համալրել տուգանքի ֆոնդը. Մակինյանը՝ Սարգսյանի ասուլիսի մասին

ԵՐԵՎԱՆ, ՕԳՈՍՏՈՍԻ 19, 24News

մակին.

ՀՀ 3-րդ նախագահ Սերժ Սարգսյանի փաստաբան Ամրամ Մակինյանը ֆեյսբուքյան էջում գրառում է արել՝ անդրադառնալով vարչապետի մամուլի խոսնակ Մանե Գևորգյանի այն մեկնաբանությանը, թե Սերժ Սարգսյանի ասուլիսի մասնակիցները, դիմակ չկրելով, կանոն են խախտել:

«Թեև պարզ չէ, թե վարչապետի մամուլի խոսնակի ո"ր գործառույթի մեջ է ներառված այս կամ այն իրողությանն իրավական որակումներ տալը, սակայն, այնուամենայնիվ, անդրադառնալով ՀՀ երրորդ Նախագահ Սերժ Սարգսյանի կողմից բաց տարածքում դիմակ չկրելու վերաբերյալ հնչեցված` «օրենք է խախտել» գնահատականին, հարկ եմ համարում ընդգծել, որ ասուլիսը կազմակերպվել և անցկացվել է հանգստի համար նախատեսված բաց տարածքում` պահպանելով հակահամաճարակային բոլոր կանոնները, ուստի հիշյալ պայմաններում դիմակ կրելու պահանջ չի նախատեսվում:

Ինչ վերաբերում է այսօր դիմակ կրելու կանոնները խախտելու համար տուգանվելիք քաղաքացիների վիճակագրությունը լրացնելու խնդրին, ապա այս կապակցությամբ նշեմ, որ թեև չի կատարվել որևէ «օրենքի» խախտում, սակայն ինքս պատրաստակամ եմ 10.000 դրամով համալրել տուգանքի ֆոնդը»,- գրել է նա:

--00—ԼՄ