ԵՐԵՎԱՆ, ՍԵՊՏԵՄԲԵՐԻ 13, 24News
Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի 21-ամյա հարձակվող Կիլիան Մբապեն փարիզյան ակումբի ղեկավարությանը հայտնել է, որ չի երկարաձգի պայմանագիրը եւ ցանկանում է հաջորդ ամռանը հեռանալ թիմից, հաղորդում է The Times-ը։ Կիլիան Մբապեն ցանկանում է խաղալ Իսպանիայում կամ Անգլիայում։
Մբապեն 2017թ․ ամռանն է «Մոնակոյից» տեղափոխվել ՊՍԺ վարձակալությամբ։ Մեկ տարի անց ՊՍԺ-ն նրա տրանսֆերի համար վճարեց 145 միլիոն եվրո։ Նրա պայմանագիրը ֆրանսիական ակուբի հետ նախատեսված է մինչեւ 2022թ․ հունիս։
Մբապեին ձեռք բերելու ցանկություն ունի Մադրիդի «Ռեալը»։ Նրա տրանսֆերը գնահատվում է 180 միլիոն եվրո։
--0--ԿԿ