ԱՄՆ դեսպանությունները կոչ են անում խուսափել հայ-ադրբեջանական սահման այցելելուց

ԵՐԵՎԱՆ, ՍԵՊՏԵՄԲԵՐԻ 25, 24News

․

Հայաստանում և Ադրբեջանում Միացյալ Նահանգների դեսպանությունները կոչ են անում ԱՄՆ քաղաքացիներին խուսափել հայ-ադրբեջանական սահման այցելելուց։

Երևանում ԱՄՆ դեսպանությունը իր կայքում հրապարակել է զգուշացման, որով կոչ է անում պահպանել զգոնությունը և ցուցաբերել զգուշություն՝ կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

Դեսպանատունը ԱՄՆ քաղաքացիներին կոչ է անում չայցելել Լեռնային Ղարաբաղ, ինչպես նաև խուսափել այցելություններից շփման գծի և սահմանի մոտակայքով, այդ թվում՝ Դիլիջան ազգային պարկից հյուսիս գտնվող M4 և M16 մայրուղիներով և մինչև Վրաստանի սահման:

Իսկ Ադրբեջանում ԱՄՆ դեսպանատունը ԱՄՆ քաղաքացիներին հորդորում է խուսափել Թովուզի և Ղազախի շրջաններ այցելություններից:

--00--ԱՀ

Տեսանյութեր

Live

Լրահոս