ՈւԵՖԱ-ն չի պատրաստվում տեղափոխել Հայաստանի առաջնության հանդիպումները

ԵՐԵՎԱՆ,  ՍԵՊՏԵՄԲԵՐԻ  29,  24News 

ՈւԵՖԱ

ՈւԵՖԱ-ն հետևում է Լեռնային Ղարաբաղում հակամարտության զարգացմանը, բայց չեն պլանավավորում տեղափոխել Հայաստանի առաջնության տնային խաղերը։ Այս մասին РИА Новости-ի հաղորդմամբ՝ հայտնել է կազմակերպության մամուլի ծառայությունը։

Հայաստանի հավաքականը հոկտեմբերի 7-ին Երևանում ընկերական հանդիպում է անցկացնելու Ալբանիայի , իսկ 4 օր անց Ազգերի լիգայի C դիվիզիոնի երրորդ տուրում Վրաստանի հետ:

Սեպտեմբերի 27-ի վաղ առավոտյան ադրբեջանական կողմը՝ խախտելով բոլոր հնարավոր միջազգային պայմանավորվածությունները, թուրքական բանակի գործուն աջակցությամբ անցել է հարձակման Արցախի հետ շփման գծի ամբողջ երկայնքով՝ կիրառելով իր ձեռքի տակ եղած սպառազինության բոլոր տեսակները՝ այդ թվում և օդուժ։ Ադրբեջանական բանակը գնդակոծել է նաև Հայաստանի Հանրապետության պետական սահմանը։

Հայկական զինուժը համառ մարտերից հետո կարողացել է ձախողել հակառակորդի հիմնական նպատակները ու շարունակում է զարգացնել հաջողությունները՝ թշնամուն հետ շպրտելու համար։

Ադրբեջանի գործողությունների հետևանքով սեպտեմբերի 27-ին զոհվել է 31, սեպտեմբերի 28-ին՝ 53 զինծառայող։ Քաղաքացիական բնակչությանը հասցված հարվածների հետևանքով զոհվել է չորս քաղաքացի։ Վերջին տվյալներով վիրավորների թիվը մոտ 120 է։

--00—ՄՀ