Նորվեգիայում փոքրիկը հիմնադրամին գումար փոխանցելու համար իր թխվածքաբլիթներ է վաճառում

ԵՐԵՎԱՆ,  ՀՈԿՏԵՄԲԵՐԻ 11,  24News

կոլաժ

ՀՀ վարչապետի տիկին Աննա Հակոբյանը ֆեյսբուքում կիսվել է սոցցանցի օգտատերերից մեկի՝ Սիլվա Մանուկյանի գրառմամբ, որում նշվում է.

«Նույնիսկ հեռավոր Նորվեգիայում մի կտոր Հայաստան է պայքարում, իսկ խելակորույս քոչվորները կարծում են, թե հնարավոր է մեզ հաղթել...

Իմ փոքրիկ Էլիզան հիմնադրամին փոխանցելու նպատակով իր պատրաստած թխվածքաբլիթներն է վաճառում և նորվեգացիներին պատմում Արցախի մասին»:

Սեպտեմբերի 27-ի վաղ առավոտյան Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է գործել Արցախի ուղղությամբ։ Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։

Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։

--00—ՄՀ