Թեժ մարտեր են նաև սոցիալական մեդիայի տիրույթում, որոնք նույնքան կարևոր են.ՊՆ ներկայացուցիչ

ԵՐԵՎԱՆ, ՀՈԿՏԵՄԲԵՐԻ 16, 24News

1

Առաջնագծի թեժ մարտերին զուգահեռ, թեժ մարտեր են ընթանում նաև սոցիալական մեդիայի տարբեր տիրույթներում։ Այդ մասին ֆեյսբուքյան էջում գրել է ՊՆ ներկայացուցիչ Արծրուն Հովհաննիսյանը և մանրամասնել.

«Առաջնագծի թեժ մարտերին զուգահեռ, թեժ մարտեր են ընթանում նաև սոցիալական մեդիայի տարբեր տիրույթներում, որոնք նույնքան կարևոր են, որքան սահմանին տեղի ունեցող մարտերը։ Այսօր, պետական հիմնարկներից բացի, որոնք օր ու գիշեր չունեն (ՊՈԱԿ-ի աշխատակիցները, ՊՆ, ԱԳՆ լրատվական ծառայությունները) արդեն, տարբեր թիմեր միավորվելով կամ առանձին նախաձեռնություններով հանդես գալով, իրականացնում են հսկայական աշխատանք մեդիա բոլոր ուղղություններով։ Վստահեցնում եմ, որ տեղեկատվական պայքարը նույնչափ կարևոր է և այստեղ ևս մենք պետք է հաղթենք՝ միասնական աշխատելով։

Հատկապես ուզում եմ շնորհակալություն հայտնել Armenian Social Media Army թիմին՝ ի դեմս Hakob Hakobyan-ի, որոնք հենց ինձ հետ անմիջական կապի մեջ ապահովում են տեղեկատվական թիկունքը։ Բոլորիցդ շնորհակալ եմ։ Այլ թիմեր էլ կան, բոլորին հերթով անդրադառնալու եմ, եթե համաձայնեք։

Тигран Петросян

Arsen Harutyunyan

Avag Simonyan

Հ. Գ. Սա էլ, բացի մեդիապայքարից, խմբի մնացած աշխատանքից մի դրվագ»,-գրել է Արծրուն Հովհաննիսյանն ու կից լուսանկար հրապարակել:

--00—ԼՄ