Պետք է վստահենք մեր բանակին, հրամանատարներին, 18 տարեկան մեր զինվորի մեջ ինձ եմ տեսնում

ԵՐԵՎԱՆ, ՀՈԿՏԵՄԲԵՐԻ 17, 24News

«Վան» գործողության հրամանատար Վազգեն Սիսլյանն այն տեսակետին է, որ Արցախում կռվող խուլիգան, թալանչի, փող աշխատող վարձկանին ահաբեկիչ անվանելը սխալ է: 24News-ի հետ զրույցում նա նշեց, որ անգործ, անբան մարդիկ են նրանք, որ եկել են փող աշխատելու: «Տեռորիստ» լինելուց շատ հեռու են դեռ»,- ընդգծում է Սիսլյանը:

Մեր զրուցակիցը համոզված է՝ իսլամիստների՝ տարածաշրջան վարձկաններ ուղարկելը հայերի դեմ կռիվը չէ, նրանց նպատակը շատ ավելի հեռուն է, ու եթե աշխարհը հենց հիմա վարձկանների դեմը չառնի, տարածաշրջանը պատերազմական գոտու է վերածվելու: 

Ինչ վերաբերում է այսօր ընթացող պատերազմին ու մեր բանակի մարտավարությանը, ապա Սիսլյանն առանձնացնում է. «Ադրբեջանն այսօր օդով է «խոսում», գետնին մենք ավելի ուժեղ ենք, իսկ հաղթանակը գետնի վրա է լինելու: Պետք է վստահենք մեր բանակին, հրամանատարներին, 18 տարեկան մեր հզոր զինվորի մեջ ինձ եմ տեսնում: Տանը նստած պարապ մարդիկ ռազմագետներ են դարձել, բայց հրամկազմը լավ գիտի՝ ինչը երբ գործի դնի»:

Մանրամասները՝ տեսանյութում։

--0--ԿԿ

Տեսանյութեր

Live

Լրահոս