ՌԴ-ն ԼՂ-ում հակաահաբեկչական գործողություններ անցկացնելու բոլոր հիմքերն ունի. Փաշինյան

ԵՐԵՎԱՆ, ՀՈԿՏԵՄԲԵՐԻ 19, 24News

Վարչապետ Նիկոլ Փաշինյանը կարծում է, որ սիրիացի ահաբեկիչները, որոնք այս պահին մասնակցում են Արցախի դեմ պատերազմին, ներկայացնում են անմիջական վտանգ ՌԴ-ի համար, և Մոսկվան ունի բոլոր լեգիտիմ իրավունքներն այնտեղ հակաահաբեկչական գործողություն իրականացնելու։ Այդ մասին նա ասել է ՏԱՍՍ-ի հետ հարցազրույցում։ 

«Ինձ համար ակնհայտ է, որ ահաբեկիչները, կամ նրան ջարդված խմբավորումներն ուղարկվում են ՌԴ, որովհետև, իմ կարծիքով, նրանք ՌԴ-ն ընկալում են ուղիղ այնպիսի թշնամի, ինչպես Հայաստանին կամ Լեռնային Ղարաբաղին։ Հարցն այն է, որ թե ինչպես պետք է շարունակվի այս գործընթացը։ ՌԴ-ն կսպասի, որ այս տարրերը մտնեն իր տարածք, և այնտեղ սկսեն հակաահաբեկչական գործողություններ իրականացնել։ Ես չգիտեմ, միգուցե ռուսական հատուկ ծառայությունները կամ կառավարությունը մտածում են, որ կարելի է իրականացնել հակաահաբեկչական գործողություններ նաև Լեռնային Ղարաբաղում», - ասել է նա։ 

Վարչապետը նաև հիշեցրել է, որ Մոսկվան հակաահաբեկչական գործողություն է իրականացրել Սիրիայում, որ Ռուսաստանից բավական հեռու է, որովհետև սիրիացի ահաբեկիչների գործողությունները ուղիղ վտանգ էին ներկայացնում իր ազգային անվտանգությանը։ «Հիմա արդեն ահաբեկիչները շատ ավելի մոտ են ռուսական սահմաններին», - ասել է նա։

--0--ԿԿ