ԵՐԵՎԱՆ, ՀՈԿՏԵՄԲԵՐԻ 20, 24News
Երևանի ավագանին 5-րդ նստաշրջանի 2-րդ նիստի ժամանակ որոշեց «Երևանտրանս» ՓԲԸ-ի տարածքում գտնվող կայանատեղիի օգտագործումն արդյունավետ և մատչելի դարձնելու նպատակով տրամադրել ավելի քան 49 մլն ՀՀ դրամ:
Ըստ Երևանի քաղաքապետի տեղակալ Սերգեյ Ներսեսյանի՝ փոփոխություններ լինելու են կայանատեղիի նոր մուտքի և պահակակետի կառուցման համար:
«Երևան համայնքի 2020 թվականի բյուջեով՝ «Կայանատեղիների կառուցում և վերակառուցում» ծրագրի շրջանակում, առաջարկվում է նախատեսել 49 մլն 201 հազար 700 դրամ»,- նշել է Ներսեսյանը:
Նախագիծը դրական եզրակացություն է ստացել: Քվեարկության համար գրանցվել է 35 ավագանու անդամ, որոշումն ընդունվել է միաձայն:
--00—ԼՄ