ՀՀ-ից Գաբալային հարվածելու լուրը սուտ է. նպատակը ՀՀ-ին գործողություններում ներքաշելն է

ԵՐԵՎԱՆ, ՀՈԿՏԵՄԲԵՐԻ 22, 24News

հրթ

Ադրբեջանի իշխանությունների հայտարարությունը Հայաստանի տարածքից Գաբալայի շրջանի ուղղությամբ հրթիռային հարձակման մասին ապատեղեկատվություն է և նպատակ ունի Հայաստանը ներքաշելու ռազմական գործողությունների մեջ: Այս մասին ՏԱՍՍ-ի թղթակցին հայտնել է ՊՆ ներկայացուցիչ Արծրուն Հովհաննիսյանը:

«Այս հայտարարությունը Ադրբեջանի հերթական սադրանքն է և նպատակ ունի Հայաստանը ներքաշեուլ ռազմական գործողությունների մեջ», - ասել է Արծրուն Հովհաննիսյանը:

Բաքվի տարածած ապատեղեկատվության վերաբերյալ հայտարարություն է տարածել նաև ՀՀ ՊՆ խոսնակ Շուշան Ստեփանյանը:

«Ադրբեջանական կողմի հայտարարությունը, թե Հայաստանը Գաբալայի և Քյուրդամիրի ուղղությամբ բալիստիկ հրթիռներ է արձակել, կատարյալ անհեթեթություն  և ցինիկ սուտ է: 

Հայաստանի Հանրապետության տարածքից որևէ հրթիռ չի արձակվել Ադրբեջանի ուղղությամբ»,-հայտարարել է ՊՆ խոսնակը:

Հիշեցենք, որ գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը: Ներկայումս տեղային նշանակության մարտեր են ընթանում ճակատային գծի բոլոր ուղղություններում: Բացի օջախային մարտերից՝ հակառակորդը կենտրոնական ուղղությամբ իրականացրել է նաև դիվերսիոն ներթափանցման փորձեր, որոնք ՊԲ ստորաբաժանումների կողմից հաջողությամբ կանխվել են:

--00—ԼՄ

Տեսանյութեր

Live

Լրահոս