ՄԻԵԴ-ը նոր որոշումներ չի կայացնի ՀՀ-ի և Ադրբեջանի դեմ միջանկյալ միջոցառումների վերաբերյալ

ԵՐԵՎԱՆ,  ՆՈՅԵՄԲԵՐԻ 4, 24News

ՄԻԵԴ

ՄԻԵԴ-ը կոչ է արել Հայաստանին և Ադրբեջանին հետևել միջազգային չափանիշներին՝ կապված Լեռնային Ղարաբաղի հակամարտության ընթացքում գերի ընկած անձանց հետ: Ստրասբուրգի դատարանի համապատասխան հայտարարությունը չորեքշաբթի ստացել է ТАСС-ի Փարիզի գրասենյակը:

Դատարանը կոնկրետ բանտարկյալների վերաբերյալ բազմաթիվ բողոքներ է ստացել ինչպես իշխանություններից, այնպես էլ հարազատներից: 

Ստրասբուրգի դատարանը խնդրել է երկու երկրների կառավարություններին տեղեկատվություն տրամադրել՝ արդյոք այդ մարդիկ իսկապես գերեվարվել են:

«ՄԻԵԴ-ը չի նախատեսում նոր որոշումներ կայացնել Հայաստանի և Ադրբեջանի դեմ միջանկյալ միջոցառումների վերաբերյալ՝ կապված Լեռնային Ղարաբաղի հակամարտության հետ: Դատարանը հաստատում է արդեն կայացված որոշումները և պատճառ չի տեսնում նոր միջանկյալ միջոցների համար», - ասվում է փաստաթղթում:

--00--ԱՀ