61 տարեկանում մահացել է մանկավարժական համալսարանի պրոռեկտոր Արմեն Թամազյանը

ԵՐԵՎԱՆ, ԴԵԿՏԵՄԲԵՐԻ 2, 24News

նկար

Կյանքից հեռացել է Հայկական պետական մանկավարժական համալսարանի ընդհանուր հարցերի գծով պրոռեկտոր Արմեն Թամազյանը: Այդ մասին հայտնում է համալսարանի պաշտոնական կայքը:

Արմեն Թամազյանը ծնվել է 1959 թվականին: 2011 թ. մինչ օրս Մանկավարժական համալսարանի ընդհանուր հարցերի գծով պրոռեկտորն էր: Իր անմիջական ղեկավարմամբ այդ տարիներին իրագործվել են բարեկագման, վերանորոգման և բազմաթիվ այլ ծրագրեր:

Դասավանդել է տարբեր ուսումնական հաստատություններում՝ Երևանի պետական տնտեսագիտական, Հայաստանի Ֆրանսիական, Հայ-ռուսական (Սլավոնական) համալսարաններում, Ֆինանսաբանկային քոլեջում և այլն: Հեղինակել է հարկային քաղաքականության և հարկային վարչարարության տարբեր հիմնահարցերի վերաբերյալ մի շարք հոդվածներ և գիտական զեկույցների թեզիսներ, ինչպես նաև «Հարկային օրենսդրության հիմունքներ» ուսումնական ձեռնարկը:

«Արմեն Թամազյանի՝ վաստակաշատ մանկավարժի, արհեստավարժ ղեկավարի, ընտանիքի հոգատար հոր հիշատակը վառ կմնա իր գործընկերների և ուսանողների սրտերում: Մանկավարժական համալսարանի պրոֆեսորադասախոսական կազմը ցավակցում է Թամազյանների ընտանիքին՝ Արեմն Թամազյանի անժամանակ մահվան կապակցությամբ»,- ասված է հաղորդագրությունում:

--00—ԼՄ

Տեսանյութեր

Live

Լրահոս