ԵՐԵՎԱՆ, ԴԵԿՏԵՄԲԵՐԻ 21, 24News
«Ես չեմ բացառում, որ եղել է Ալիև-Փաշինյան ուղիղ գործարք»,- այս մասին 24TV-ի եթերում ասել է ՀՀԿ խորհրդի անդամ, Պաշտպանության նախկին փոխնախարար Արտակ Զաքարյանը:
«Ես էլ եմ միանում հարցադրմանը, թե ինչու նա որևէ կերպ չի արձագանքում կամ պատասխանում Ալիևի հնչեցրած մեղադրանքներին ու վիրավորանքներին։ Գուցե վախենո՞ւմ է որ Ալիևը կարող է ինչ-ինչ փակագծեր բացել։ Բայց անկախ նրանից Նիկոլը վախենում է, թե՝ ոչ, գալու է ժամանակը, և Ալիևը խոսելու է»,- ասել է Զաքարյանը:
Նրա խոսքով՝ նոյեմբերի 9-ի եռակողմ հայտարարության մեջ բավականին դետալներ բացված չեն, և այն, ինչ այսօր է տեղի ունենում, որևէ կերպ չի առնչվում այդ հայտարարության հետ: «Որևէ պետության սահման հենց այնպես, միակողմանիորեն չի զիջվում, և այդ հայտարարության մեջ գրված չէ, որ անմիջապես պետք է անցնել Հայաստանի և Ադրբեջանի սահմանների սահմանազատմանը։ Այդ հայտարարության մեջ գրված չէ, որ Արցախում ամեն մեկը իր հայեցողությամբ ինչ ուզի՝ անի»,- ասել է Արտակ Զաքարյանը:
Բանախոսն անդրադարձել է նաև Փաշինյանի՝ Սյունիք կատարած այցին, և թեմային վերաբերող մի շարք կարևոր այլ հարցերի:
Մանրամասները՝ տեսանյութում:
--0--ԿԿ