ԵՐԵՎԱՆ, ԴԵԿՏԵՄԲԵՐԻ 24, 24News
Կանադայի առողջապահության նախարարությունը հաստատել է հայազգի գործարար Նուբար Աֆեյանի «Moderna» ընկերության մշակած պատվաստանյութը, տեղեկանում ենք գերատեսչության պաշտոնական կայքէջից:
Գերատեսչությունը ընկերությունից հայտ է ստացել հոկտեմբերի 12-ին, անկախ վերլուծության արդյունքում պարզվել է, որ դեղամիջոցն անվտանգ է, արդյունավետ և որակյալ:
«Այսօրվա թույլտվությունը կարևոր քայլ է ապահովելու համար, որ COVID-19 լրացուցիչ պատվաստանյութերը հասանելի լինեն բոլոր կանադացիներին երկրի բոլոր մասերում»,-գրում է գերատեսչությունը և հավելում, որ պատվաստանյութը կարող է բաշխվել մեկուսացված և հեռավոր համայնքներին:
Առավել մանրամասն՝ այստեղ:
--00—ԼՄ