Երևանում, Արարատում և Սյունիքում երթևեկության կանոնների շուրջ 200 խախտում է գրանցվել

ԵՐԵՎԱՆ ՀՈւՆՎԱՐԻ 18 24News  

Հանգստյան օրերին, հունվարի 16-ին և 17-ին, ճանապարհային ոստիկանության մայրաքաղաքը և մարզերը սպասարկող 1-ին և 2-րդ սպայական գումարտակների ծառայողները, ՃՊԾ բաժնի և ուղեկցող հատուկ վաշտի ծառայողները Երևանում, Արարատի ու Սյունիքի մարզերում իրականացրել են  ուժեղացված ծառայություն՝ հայտնաբերելով ճանապարհային երթևեկության կանոնների շուրջ 200 խախտում։

Պահպանվող հատուկ տարածքներ են տեղափոխվել 16 մեքենա։ Չորս վարորդ եղել է ոչ սթափ վիճակում, 6-ը՝ առանց վարորդական իրավունքի վկայականի։  Հայտնաբերվել է հետախուզման մեջ գտնվող՝ 5, առանց ԱՊՊԱ պայմանագրի՝ 39, թաղանթապատված դիմապակիով՝ 38, առանց համարանիշերի՝ 2, փոխարինված համարանիշերով՝ 1 տրանսպորտային միջոց։ Ճանապարհային ոստիկանության նմանօրինակ ուժեղացված ծառայությունները շարունակական են։ Հարգելի՛ վարորդներ, խստորեն պահպանեք ճանապարհային երթևեկության կանոնները։

--00—ՄՀ

Տեսանյութեր

Live

Լրահոս