ՄԱԿ-ը ՀՀ-ում բնակվող 20, 000 տեղահանվածի համար հումանիտար ծրագիր է իրականացրել

ԵՐԵՎԱՆ, ՓԵՏՐՎԱՐԻ 16, 24News 

ԿԽՄԿ

2020-ի տարեվերջին ՄԱԿ-ի Փախստականների գործակալությունը, համագործակցելով ՄԱԿ-ի գրասենյակի և իր գործընկերներ «Առաքելություն Հայաստան» ՀԿ-ի և Հայկական Կարմիր խաչի հետ, մարդասիրական օգնության ծրագիր է իրականացրել Հայաստանի տարբեր հյուրընկալ համայնքներում բնակվող ավելի քան 20,000 տեղահանված անձանց համար։

ՄԱԿ-ի հայաստանյան գրասենյակի ֆեյսբուքյան էջում տեղեկացնում են, որ աջակցությունը ներառում էր հիգիենայի պարագաներ, COVID-19 վարակի կանխարգելման միջոցներ, տաքացուցիչներ, անկողնային պարագաներ և տան համար անհրաժեշտ զանազան այլ պարագաներ։

Տեղահանված անձանց նաև տրամադրվել է սոցիալ-հոգեբանական աջակցություն, կազմակերպվել են երեխաների պաշտպանությանն ուղղված միջոցառումներ։

  --00—ՄՀ