Որպես ազգ ու պետություն ապագա չենք ունենա, եթե կարևորագույն հարցերն այսօր չլուծվեն

ԵՐԵՎԱՆ, ՓԵՏՐՎԱՐԻ 19, 24News

Ազգային ժողովի «Լուսավոր Հայաստան» խմբակցության պատգամավոր Կարեն Սիմոնյանն այն տեսակետին է, որ իշխանությունը երկրի կարևորագույն խնդիրները թողած՝ հարաբերություններ է պարզում, թե ով է ճիշտ, ով՝ սխալ:

24TV-ի «Հարցազրույց» հաղորդման ժամանակ նա ասաց, որ կառավարությունը, փոխանակ եղածը վերականգնելու, տնտեսական հրաշքներից է խոսում: Պատգամավորն ահազանգում է՝ եթե կարևորագույն հարցերն այսօր չլուծվեն, ապա որպես ազգ ու պետություն, ապագա չենք ունենալու:

«Իսկ ի՞նչ է անում իշխանությունը, ջրի վրա գրագրություն անելով է զբաղված, այնինչ պետականության մասով լուրջ վտանգներ կան, պետական ինստիտուտների աշխատանքում խնդիրներ կան և այլն»,- ընդգծեց Սիմոնյանը:

Անդրադառնալով ՀՀ 3-րդ նախագահ Սերժ Սարգսյանի այն հայտարարությանը, որ պատերազմի օրերին Արցախի նախագահ Արայիկ Հարությունյանը չի ընդունել իրեն ու ՀՀ 2-րդ նախագահ Ռոբերտ Քոչարյանին, ասաց. «Պետական կառավարման, պետության համար օրհասական պահերին ամբիցիաները պետք է մի կողմ դնել: Ժողովրդական խոսք է, չէ՞, «մի խեքլը լավը է, երկուսը՝ ավելի»: Բայց տեսանք, որ հենց պատերազմի օրերին ամբիցիաների պատճառով իշխանությունը չհանդիպեց երեք նախագահների հետ»:

Մանրամասները՝ տեսանյութում։

--0--ԿԿ