Նման սցենարը կանխատեսելի էր. ԱՆ խոսնակը՝ նախագահի կողմից օրենքները չստորագրելու մասին

ԵՐԵՎԱՆ, ՓԵՏՐՎԱՐԻ 24, 24News 

․

«Մեզ համար նման սցենարը կանխատեսելի էր, բայց ոչ այն պատճառաբանությամբ, որ նախագիծը սահմանադրականության խնդիր ուներ»,- 1lurer.am-ի հետ զրույցում հայտարարեց ՀՀ արդարադատության նախարարության տեղեկատվության և հասարակայնության հետ կապերի վարչության պետ-խոսնակ Լուսինե Մարտիրոսյանը՝ մեկնաբանելով նախագահ Արմեն Սարգսյանի կողմից «Դատական օրենսգիրք» սահմանադրական օրենքում և «Արդարադատության ակադեմիայի մասին» օրենքում փոփոխությունների նախագիծը չստորագրելու և ՍԴ ուղարկելու որոշումը:

«Եվ հետաքրքիր է, որ ԲԴԽ-ն ևս չի տեսել սահմանադրականության խնդիր, ավելին՝ կողմ է եղել նախագծին, քանի որ դրանով դատական համակարգի ծանրաբեռնվածության խնդիր էր լուծվում»,- ասաց Լուսինե Մարտիրոսյանը:

Հիշեցնենք՝ նախագծերի փաթեթը նախատեսում է մինչդատական վարույթի նկատմամբ դատական վերահսկողության գործերով առանձին ենթամասնագիտացում ունեցող դատավորների ինստիտուտի ներդրում:

Այսօր նախագահի աշխատակազմը տեղեկացրեց, որ Արմեն Սարգսյանը չի ստորագրել օրենքներն ու դիմել է ՍԴ՝ դրանց Սահմանադրությանը համապատասխանության հարցը որոշելու խնդրանքով:

--00--ԱՀ