ԵՐԵՎԱՆ, ՓԵՏՐՎԱՐԻ 25, 24News
Ընդդիմության հանրահավաքի մասնակիցները Ազատության հրապարակում ելույթներից հետո շարժվեցին Բաղրամյան պողոտայով դեպի Ազգային ժողով, որտեղ, ըստ հավանականության, խորհրդարանի ընդդիմադիր խմբակցությունների առաջարկով պետք է առաջիկայում արտահերթ նիստ գումարվի։
Տեղում աշխատող 24News-ի թղթակիցը հայտնում է, որ ցուցարարներն այս պահին աղբամաններով փակել են Բաղրամյան-Դեմիրճյան խաչմերուկը, ինչի հետևանքով կաթվածահար է եղել Բաղրամյան պողոտայի և դրան հարող փողոցների երթևեկությունը։
Ընդդիմության վարչապետի թեկնածու Վազգեն Մանուկյանը հայտարարել է, որ պատրաստվում են ամբողջ գիշերվա ընթացքում ՀՀ վարչապետի հրաժարականը պահանջող քաղաքացիների հետ այդ հատվածում մնալ։
«Պատրաստվե՛ք, ամբողջ գիշեր այստեղ ենք մնալու, մինչև հանենք նրան»,-ասել է Վազգեն Մանուկյանը։
Այս հայտարարությունից հետո ՀՀ վարչապետ Նիկոլ Փաշինյանը երթ և հանրահավաք է արել Հանրապետության հրապարակ, իսկ ԳՇ-ի հայտարարությունը որակել է «ռազմական հեղաշրջման փորձ»։
--00—ԼՄ