ԵՐԵՎԱՆ, ՄԱՐՏԻ 1, 24News
ԱԺ արտաքին հարաբերությունների մշտական հանձնաժողովի նախագահ, «Իմ քայլը» խմբակցության անդամ Ռուբեն Ռուբինյանը «Լուսավոր Հայաստան» խմբակցության ղեկավար Էդմոն Մարուքյանի առաջարկն անտրամաբանական է համարում: «Տրամաբանական կլիներ, եթե առանց որևէ պայմանի, Մարուքյանը հայտարարեր, որ իրենք պատրաստ են ստորագրել արտահերթ ընտրությունների վերաբերյալ հուշագիր: Այդ դեպքում, կարծում եմ, մենք առաջ կգնանք», - լրագրողների հետ զրույցում ասել է Ռուբինյանը:
«Մենք մեր լուծումը ներկայացրել ենք նախորդ հանրահավաքի ժամանակ։ ԳՇ պետի հրաժարականից հետո միայն պատրաստ ենք սկսել արտահերթ ընտրությունների շուրջ քննարկումները։ Սա նախապայման չէ, վարչապետն իրացրել է իր լիազորությունները։ ԳՇ պետը քաղաքական հայտարարություն է արել, դա անհամատեղելի է իր զբաղեցրած պոշտոնի հետ», - հավելել է Ռուբինյանը։
Մանրամասները՝ տեսանյութում։
--0--ԿԿ