Եթե զինվորականությունը չենթարկվի նոր ԳՇ պետին, գործ կունենանք լատենտ հեղաշրջման հետ

ԵՐԵՎԱՆ, ՄԱՐՏԻ 9, 24News

Եթե զինվորականությունը հրաժարվի ենթարկվել ՀՀ ԶՈւ գլխավոր շտաբի նոր պետին, գործ կունենանք լատենտ հեղաշրջման հետ։ Այս մասին 24TV-ի «Հարցազրույց» հաղորդման եթերում ասել է քաղաքական մեկնաբան Հակոբ Բադալյանը։

Ըստ Բադալյանի՝ ԳՇ-ի շուրջ ստեղծված լարվածությունը թուլանում է, իրավիճակը մոտենում՝ հանգուցալուծման։

«Օնիկ Գասպարյանի ուղերձն այն էր, որ իրենք շարունակում են մնալ իրենց քաղաքական դիրքորոշմանը, այսինքն՝ համարում են, որ կառավարությունը և վարչապետը պետք է հեռանան, բայց նաև շարունակում են իրենց գործառույթների իրականացումը և դուրս չեն գալիս դրանից, այսինքն՝ եղած հայտարարություններից այն կողմ քաղաքական քայլեր չեն անելու։ Գասպարյանի ուղերձի տողատակն այն է, որ ԳՇ-ն աննախադեպ քայլ անելով՝ քաղաքական ղեկավարության հեռացման կոչ հղելով, այդուհանդերձ, չի արել քաղաքական քայլեր՝ այդ կոչն իրացնելու համար։ Նա գնում է ոչ թե փողոց, հրապարակ, այլ իրավական ճանապարհով»,- ասել է նա։

Բադալյանի կարծիքով՝ նրանք, ովքեր պատրաստ չեն մնալ այս տրամաբանության մեջ, պետք է դուրս գան բանակից իրենց կամքով, այլապես, հակառակն անելով, կստեղծեն վտանգներ առաջին հերթին բանակի, ապա նաև պետության համար։

Շարունակությունը՝ տեսանյութում։