Պատերազմի ընթացքում ՀՀ-ում COVID-19-ով վարակվածների թիվն ավելացել է մոտ 10 հազարով

ԵՐԵՎԱՆ, ՄԱՐՏԻ 17, 24News   

կորոնավիրուս

Մարդու իրավունքների պաշտպանի գրասենյակը զեկույց է հրապարակել, որում անդրադառնում է ադրբեջանական զինված ուժերի սանձազերծած պատերազմի հետևանքով Հայաստանում նոր կորոնավիրուսի (COVID-19) ստեղծված իրադրությանը։

«1. 2020թ. մարտի 1-ից սեպտեմբերի 26-ը ընկած ժամանակահատվածում, այսինքն` 7 ամսվա ընթացքում գրանցվել է COVID-19-ով վարակման 49400 դեպք,

2. պատերազմի ժամանակ՝ միայն 2020թ. սեպտեմբերի 27-ից նոյեմբերի 9-ը, այսինքն` ընդամենը մեկուկես ամսվա ընթացքում այս թիվը հասել է 59287,

3. պատերազմից անմիջապես հետո՝ 2020թ. նոյեմբերի 10-ից 30-ը, այսինքն` միայն կես ամսվա ընթացքում`վարակման դեպքերի թիվը հասել է 27280-ի:

Մանրամասները Մարդու իրավունքների պաշտպանի այս արտահերթ զեկույցում են, որը կոնկրետ օրինակներով ցույց է տալիս ադրբեջանական զինված ուժերի կատարած մարդկության դեմ ուղղված հանցագործությունները.

Զեկույցի բոլոր վերլուծությունները հիմնված են ՀՀ Առողջապահության նախարարության հավաստի պաշտոնական տվյալների վրա»,- ասվում է ՄԻՊ Արման Թաթոյանի ֆեյսբուքյան էջում արված գրառման մեջ:

 --00—ՄՀ