ԵՐԵՎԱՆ, ԴԵԿՏԵՄԲԵՐ 17, 24News
ՀՀ արդարադատության նախարարի պաշտոնակատար Արտակ Զեյնալյանը կառավարությունում կազմակերպված մամուլի ասուլիսի ժամանակ ասել է, որ «Սասնա ծռեր» խմբի այն անդամներին, որոնց վրա համաներում չի տարածվել, քաղբանտարկյալ չի համարում:
«Կարծում եմ՝ նրանք քաղաքական բանտարկյալներ չեն: Համաներման օրենքում բացառություն է կատարված սպանության համար դատապարտվածների մասով», - ասել է Զեյնալյանը։
Հիշեցնենք, որ «Սասնա ծռեր» խմբի անդամներից համաներում չի տարածվել սպանության հոդվածով մեղադրյալներ Արմեն Բիլյանի և Սմբատ Բարսեղյանի վրա:
Համաներում էր հայտարարվել Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության 100-ամյակի առթիվ, որի շրջանակում այս պահի դրությամբ ազատ է արձակկվել ավելի քան 550 դատապարտյալ։