ԵՐԵՎԱՆ, ԴԵԿՏԵՄԲԵՐ 17, 24News
«Մարտի 1»-ի գործով մեղադրյալ, նույն գործով քննչական խմբի նախկին ղեկավար Վահագն Հարությունյանի նկատմամբ հայտարարված հետախուզումը չի դադարեցվել։ Այս մասին 24News-ի հետ զրույցում հայտնեցին ՀՀ գլխավոր դատախազությունից։
Նշենք, որ դեկտեմբերի 12–ին Վերաքննիչ քրեական դատարանը բեկանել է առաջին ատյանի որոշումն ու վերացրել մարտի 1-ի քննչական խմբի նախկին ղեկավար Վահագն Հարությունյանի նկատմամբ կիրառված կալանքի որոշումը։
Հիշեցնենք, որ Հատուկ քննչական ծառայությունը Վահագն Հարությունյանին մեղադրում է մարտի 1-ի գործով առանձնապես ծանր հանցագործության վերաբերյալ քրեական գործով ապացույցների կեղծումը կազմակերպելու համար: