ԵՐԵՎԱՆ, ՄԱՐՏԻ 27, 24News
Մարտի 26-ին, ժամը 21։34-ին Սյունիքի մարզային ճգնաժամային կառավարման կենտրոն ահազանգ է ստացվել, որ Կապան քաղաքի «Բողաջղ» կոչվող տարածքում տեղի է ունեցել ՃՏՊ: Այս մասին հայտնում են ԱԻՆ լրատվականից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Քաջարան-Կապան ավտոճանապարհի 10-րդ կմ-ին «Toyota Camry» (վարորդ՝ Ա․ Մ․, ծնված՝ 1988 թ.) մակնիշի ավտոմեքենան դուրս է եկել ճանապարհի երթևեկելի հատվածից և գլորվել ձորը (մոտ 200 մ):
Փրկարարները հոսանքազրկել են ավտոմեքենան, փակել գազի բալոնի փականը, այնուհետև պատգարակով ձորից դուրս են բերել և շտապօգնության ավտոմեքենային մոտեցրել ուղևոր Մ. Ք.-ին (ծնված` 1978 թ.), ով հոսպիտալացվել է Քաջարան քաղաքի ԲԿ, որտեղ բժիշկները տուժածի առողջական վիճակը գնահատել են միջին ծանրության։
--00--ԱԹ