Մարուքյանը Փաշինյանին առաջարկում է Կոմանդոսին շնորհել Հայաստանի ազգային հերոսի կոչում

ԵՐԵՎԱՆ, ԱՊՐԻԼԻ 1, 24News

նկար

ԼՀԿ ղեկավար Էդմոն Մարուքյանը ՀՀ վարչապետին առաջարկել է Հայաստանի Հանրապետությանը մատուցած համազգային նշանակություն ունեցող բացառիկ ծառայությունների համար Կոմանդոսին շնորհել Հայաստանի ազգային հերոսի բարձրագույն կոչում՝ հետմահու պարգևատրելով նրան Հայրենիքի շքանշանով։

«Սիրելի՛ հայրենակիցներ, երեկ՝ 2021 թ. մարտի 31-ին, կյանքից հեռացավ Արցախի հերոս, Հայաստանի Հանրապետության Զինված ուժերի գեներալ-մայոր Արկադի Տեր-Թադևոսյանը՝ Կոմանդոսը։ Վստահաբար կարիք չկա ներկայացնելու Արցախյան պատերազմի ընթացքում, ինչպես նաև հետագայում մեր հայրենիքի պաշտպանության համար մղված մարտերում Կոմանդոսի գործած սխրանքներն ու հայրենիքին մատուցած բացառիկ ծառայությունները։

Ըստ այդմ, վարչապետին առաջարկել եմ Հանրապետության նախագահին դիմել միջնորդությամբ՝ գեներալ-մայոր Արկադի Տեր-Թադևոսյանին հայրենիքի պաշտպանության, Հայաստանի Հանրապետությանը մատուցած համազգային նշանակություն ունեցող բացառիկ ծառայությունների համար շնորհելու Հայաստանի ազգային հերոսի բարձրագույն կոչումը՝ հետմահու պարգևատրելով նրան Հայրենիքի շքանշանով»,-գրել է Մարուքյանը և կից առաջարկի պաշտոնական փաստաթուղթը հրապարակել։

նկար

--00—ԼՄ