ԵՐԵՎԱՆ, ԴԵԿՏԵՄԲԵՐ 18, 24News
«Փաստինֆո»-ն գրում է, որ ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ մամուլում տեղ գտած տեղեկությունները, թե իբրև դատավոր Ազարյանը մտադիր է առաջիկայում լքել Հայաստանը՝ եվրոպական երկրներից մեկից քաղաքական ապաստան խնդրելով՝ իրականությանը չեն համապատասխանում:
«Փաստինֆո»-ի թղթակցի հետ զրույցում Ալեքսանդր Ազարյանը հայտնել է, որ մամուլում կարդացել է հրապարակումը, ինչպես Հայաստանը լքելու, այնպես էլ հոդվածում տեղ գտած մյուս տեղեկությունները իրականության հետ որևէ աղերս չունի և չէր էլ կարող ունենալ:
