Հենրիխ Մխիթարյանն ապաքինվել է և կմասնակցի «Ռոմայի» առաջիկա խաղին․ Vnews

ԵՐԵՎԱՆ, ԱՊՐԻԼԻ 9, 24News  

Մխիթարյան

Հայաստանի հավաքականի և «Ռոմայի» կիսապաշտպան Հենրիխ Մխիթարյանն ապաքինվել է վնասվածքից:

VNews.am-ին հայտնի է դարձել, որ 32-ամյա ֆուտբոլիստը մասնակցելու է «Բոլոնիայի» դեմ ապրիլի 11-ին կայանալիք խաղին:

Մեր տեղեկություններով՝ Մխիթարյանը պատրաստ է եղել մասնակցել նաև երեկ «Այաքսի» դեմ կայացած Եվրոպա լիգայի քառորդ եզրափակիչի արտագնա հանդիպմանը (2:1), սակայն ակումբն ու ֆուտբոլիստը համատեղ որոշել են ռիսկի չդիմել ու մի քանի օր էլ հետաձգել վերադարձը:

«Ռոմայի» առաջատարը սրունքի վնասվածք է ստացել մարտի 12-ին, Դոնեցկի «Շախտյորի» դեմ 1/8 եզրափակիչի խաղում (3:0):

--00—ՄՀ