Ռազմական բժիշկ Սաշա Ռուստամյանի ծննդյան օրը՝ հարգանքի տուրք «Եռաբլուր» պանթեոնում

ԵՐԵՎԱՆ, ԱՊՐԻԼԻ 21, 24News

Եռաբլուր

Ռազմաբժշկական ֆակուլտետի շրջանավարտ, անմահացած ռազմական բժիշկ Սաշա Ռուստամյանի ծննդյան օրը ԵՊԲՀ ռեկտոր Արմեն Մուրադյանի գլխավորությամբ ՌԲՖ անձնակազմը, կուրսանտական կազմն ու ապագա բժիշկներն այցելեցին «Եռաբլուր» զինվորական պանթեոն: Ծաղիկներ խոնարհելով անմահացած հերոսի շիրիմին՝ հարազատների հետ մեկտեղ հարգանքի տուրք մատուցեցին մասնագիտական պարտքը կատարելիս իր կյանքը հանուն հայրենիքի զոհաբերած հերոսի հիշատակին:

«Դուք հպարտորեն ձեր պարտքը տվեցիք, մենք ձեզ պարտք մնացինք» խորագրով ԵՊԲՀ ղեկավարությունը շարունակում է հիշատակել անմահացած հերացիականների ծննդյան օրերը:

Վիրավորին օգնության շտապող Սաշա Ռուստամյանը զոհվել է ադրբեջանա-թուրքա-ահաբեկչական դիվերսիոն խմբի գնդակից: Զինվորական և բժշկի երդմանը հավատարիմ ռազմական բժիշկի սխրանքն օրինակ է ապագա սերունդներին:

 --00--ԱԹ