Արմեն Սարգսյանն Ակսել Բակունցի տուն-թանգարան է այցելել և նվիրել է Նունե Սարգսյանի գրքերը

ԵՐԵՎԱՆ, ԱՊՐԻԼԻ 21, 24News 

Սյունիքի մարզ աշխատանքային այցի ընթացքում Հանրապետության նախագահ Արմեն Սարգսյանը Գորիսում հյուրընկալվել է հայ անվանի գրող Ակսել Բակունցի տուն-թանգարանում։

Հանրապետության նախագահը Սյունիքի մարզ կատարած նախորդ այցերից մեկի ժամանակ եղել էր թանգարանում, տպավորվել նրա առանձնահատուկ միջավայրով, ևս մեկ անգամ ծանոթացել Բակունցի ժառանգությանը: Նա տուն-թանգարանի տնօրեն Վարդան Սարգսյանին խոստացել էր կրկին այցելել մշակութային օջախ, և հերթական այցելության ժամանակ նախագահը թանգարանին է նվիրել իր տիկնոջ՝ Նունե Սարգսյանի հեղինակած գրքերի օրինակներ, ինչպես նաև տնօրենից հետաքրքրվել է թանգարանի վիճակով, իրականացվող աշխատանքներով ու մասնավորապես այցելություններով:

--00—ՄՀ