Սյունիքի շուրջ ստվերային գործընթացներ կան․ կատարվածը Փաշինյանի համար «սառը ցնցուղ է» եղել

ԵՐԵՎԱՆ, ՄԱՅԻՍԻ 13, 24News

Սյունիքի շուրջ ստվերային գործընթացներ կան։ Լրջագույն պրոցեսներ են ընթանում։ Սա ակնհայտ դարձավ նաև ղեկավարության համար։ Այս մասին 24TV-ի «Հարցազրույց» հաղորդման եթերում ասել է քաղաքագետ Սարո Սարոյանը՝ գնահատելով Սև լճի տարածքում` ադրբեջանցի զինվորականների գործողությունները։

«Երեկ շատերի աչքերը բացվեցին։ Միֆերից ձերբազատվեցին։ Պատերազմն անգամ այդ մարդկանց փորձ չէր տվել, ոչինչ չէր սովորեցրել։ Պարզ դարձավ, որ այն համուզմունքը, թե ՀԱՊԿ-ն այնպիսի անվտանգային կառույց է, որը ստեղծելու է որոշակի երաշխիքներ, իրենց մեկնաբանությամբ, Հայաստանի սահմանների հետ կապված, սխալ էր։

Սյունիքում կատարվածը Փաշինյանի համար «սառը ցնցուղ» է եղել։ Հիմա իրենք փաստի առաջ են կանգնել ու չգիտեն՝ խնդիրն ինչպես լուծել։ Իրենց պատկերացրածով դա չպետք է լիներ։ Իրենց «կուտ» էին տվել, որ այս կամ այն գործիքակազմով, անվտանգային դաշտի, կառույցի միջոցով հնարավոր է անվտանգությունն ապահովել։ 

Առաջին անգամ հասկացել են, որ մի քայլ կարող են անել և դա կջարդվի իրենց գլխին։ Իրենց աչքերը բացվել են։ Հասկացել են, որ ոչինչ չեն կարող անել։ Կամ իրենց Կրեմլից ասվել է այդ ակնկալիքը չունենաք։ Եթե նման քայլերով առաջ շարժվեք՝ մեջբերելով իրավունքի ուժը, ՀԱՊԿ-ն և այլն, ապա կստանանք բոլորովին այլ պատկեր»,- ասել է նա։

Շարունակությունը՝ տեսանյութում։