Հարցը ոչ միայն պայմաններն են․ հերոսների մասունքները հողին չեն հանձնվել,տոպրակով թաքցվել են

ԵՐԵՎԱՆ, ՀՈՒՆԻՍԻ 1, 24News

նկար

Այլընտրանքային նախագծեր խմբի անդամ, «Հայաստան» դաշինքի ցուցակում ընդգրկված Էլինար Վարդանյանը հոդված է հրապարակել 

«Առողջապահության նախարարը ներողություն է խնդրել զոհերի հարազատներից՝ ասելով, որ դա իր բացթողումն է եղել, որ ինքը լրացուցիչ չի ստուգել մասունքների պահման պայմանները:

Այստեղ հարցը ոչ միայն պայմաններն են, այլև այն, որ մինչ այսօր հերոսների մասունքները ծնողներին չեն հանձնվել, որ մինչ այսօր նրանք հողին չեն հանձնվել։ Տոպրակներով պահվել են, թաքցվել։ Եվ մի փորձեք համոզել ձեր ցնդաբանություններում, թե փորձաքննված մասունքների արդյունքների մասին տեղեկատվությունը հասանելի է եղել ծնողներին։ Նրանք գիտեին, որ իրենց զավակի դին, մասունքը նկուղում է և չէ՞ին տանում հողին հանձնելու։

Ակնհայտ է, որ փորձ արվում ամբողջ մեղքը բարդել առողջապահության նախարարության և նախարարի վրա։ Բայց նախարարն ընդամենը գերագույն գլխավոր ստախոսի գործիքն է։ Այս անմարդկային քայլի պատասխանատուն և մեղավորը իրեն վարչապետ համարողն է։ Նրա ցուցումով մասունքները ծնողներին չէին հանձնվում, անթաղ են պահվում, իսկ ինքն այդ ընթացքում մարզերում զինվորի գերեզմանին ծնկի գալու շոու էր բեմադրում։ Իր մեղքով առաջացած գերեզմանների մոտ, որտեղ հանգչում են դեռ կյանք չմտած երիտասարդները դահիճը իբր ծնկի էր իջնում, ֆոտոսեսիա անում նախընտրական քարոզարշավի համար, իսկ այդ ընթացքում զոհված երիտասարդների ընկերների մասունքները տոպրակներով մնում էին անմարդկային պայմաններում։

Բարոյականության բոլոր սահմաններն անցած այս անձը իրավունք չունի երևալ հանրության առջև։ Ընտրությունները պետք է անցկացվեն առանց այս դահիճի։ Նա չպետք է կարողանա նայել մարդկանց աչքերին։ Նրան պետք է մերժեն բոլորը՝ այդ թվում իր թիմակիցներն ու պետական պաշտոնյաները։ Ընտրությունները պետք է լինեն կոնսենսուս մինուս 1-ով։ Իսկ նրանք, ովքեր կմնան Փաշինյանի կողքին, նրա հետ հավասար կկիսեն մեղավորությունը՝ մեր անթաղ հերոսների ու նրանց ընտանքիների առջև։ Որոշումը ձերն է՝ կա՛մ մնում եք մարդ, կա՛մ դառնում դահիճի հանցակից»։

Հիշեցնենք, որ համացանցում լուսանկարներ էին հրապարակվել Կոտայքի մարզում գործող Դատաբժշկական կենտրոնից, որոնցում երևում էին զոհված զինծառայողների դիերի պահման անմխիթար պայմաննները։ 

Առողջապահության նախարարի ժամանակավոր պաշտոնակատար Անահիտ Ավանեսյանը արձագանքել էր դեպքին՝ հայտարարելով, որ դիերի և մասունքների ոչ պատշաճ պահման փաստի հետ կապված ուզում է ներողություն խնդրել բոլոր հարազատներից:

«Իմ բացթողումն է եղել, որ որոշակի տեղափոխություններից հետո նորից անձամբ չեմ այցելել և համոզվել դիակների պահպանման մանրամասներին»,-ասել է նա, ապապ հավելել, որ արձանագրված փաստի առնչությամբ կիրականացվի ծառայողական քննություն համապատասխան հետևանքներով:

--00—ԼՄ