ԵՐԵՎԱՆ, ՀՈՒՆԻՍԻ 8, 24News
«Պատիվ ունեմ» դաշինքի անդամ Տիգրան Աբրահամյանը գրառում է արելՀՀ վարչապետի պաշտոնակատար Նիկոլ Փաշինյանի ձևակերպումների մասով՝ ընդգծելով, որ հանդուրժելու ժամանակը վաղուց է անցել:
«Թողեք թող խոսի, որ ով էլ դրան իր ողջ էությամբ դեռ չի իմանում, ճանաչի: Թե բա զինվորներին կոնֆետներ են շպրտել, գերիները, ոչինչ, մի քիչ էլ կսպասեն։
Կապիտուլյանտի բառապաշարը մատնում է այն ամենի մասին, ինչը նա իրականում մտածում է մեր զինվորի, մարդու, հայի մասին։
Նրա աչքերում մեր գերիները, զինվորները մարդիկ են, ովքեր նույնիսկ իրենց մահով կամ տանջանքներով պետք է ծառայեն սրանց քմահաճույքներին։
Այս անբարոյական ձևակերպումների մասին շատ բան կարելի է ասել՝ ամենածանր մեղադրանքներով և հայհոյանքներով, բայց, միայն ասելով, ոչինչ չի փոխվի։ Սրանց հանդուրժելու ժամանակը վաղուց է անցել, իսկ նրանց հեռացնելու «ճակատամարտին» հաշված օրեր են մնացել։
Կատարե՛ք սրանց հեռացնելու և երկրին ապրելու շանս բերելու ձեր վճռական քայլը», - ֆեյսբուքյան էջում գրել է նա։
--00—ԼՄ