Էրդողանը գնալու է Շուշի․ Թևան Պողոսյանն առաջարկում է՝ այդ օրը 4 նախագահները լինեն Արցախում

ԵՐԵՎԱՆ, ՀՈՒՆԻՍԻ 13, 24News

7

ՀՀ նախագահի խորհրդական Թևան Պողոսյանը ֆեյսբուքյան էջում գրել է․

«Անվտանգություն բառը դարձել է մոդայիկ, բայց դրա իմաստը, ընկալումը, կենսագործումը պարզապես չեն երևում։

Լավ, ձեր նախընտրականը մի գաղափարով կտրեմ։ Էրդողանը գնալու է Շուշի։ Թե ինչ է դա իրենց համար և ինչպես կօգտագործեն դա նրանք, կարելի է ենթադրել: Իսկ մե՞նք ինչ ենք անում:

Դե պատկերացրեք, որ այդ նույն օրը ՀՀ բոլոր նախագահները հրավիրվեին Ստեփանակերտ։ Մի անգամ 2019-ի Համահայկական խաղերի համար էի ասել, նաև հիմա եմ ասում` այո´, Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արմեն Սարգսյանն այդ նույն օրը լինեն Ստեփանակերտում և  իրենց խոսքն ասեն աշխարհի հայությանը` միասնական ռիսկ վերցնելու և միասնական քաղաքական ազգ դառնալու մասին։

Դե հա էլի կասեք ռոմանտիկ, բայց այդ անվտանգություն ասածը օդից չի նվիրվելու մեզ։ Իսկ եթե նպատակը լինի, վստահ եմ, որ կգտնվեն նաև իրականացման ճիշտ քայլերը։

Անգործությունը երբեք անվտանգություն չի ավելացնում»։

--00—ԼՄ

Տեսանյութեր

Live

Լրահոս