Կապան քաղաքի հանրային վայրերում Covid-19-ի դեմ պատվաստումներ կիրականացվեն

ԵՐԵՎԱՆ, ՀՈՒԼԻՍԻ 19, 24News

պատվաստում

Առողջապահության նախարարի պաշտոնակատար Անահիտ Ավանեսյանը հուլիսի 15-ին հրաման է ստորագրել, համաձայն որի՝ COVID-19-ի դեմ պատվաստումներ կիրականացվեն Կապան քաղաքի հանրային վայրերում։

«1. Առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության գլխավոր տնօրեն Արտավազդ Վանյանին` սահմանված կարգով ապահովել.

1) Շարժական պատվաստումային խմբերի միջոցով Կապան քաղաքի հանրային վայրերում կորոնավիրուսային հիվանդության (COVID-19) դեմ պատվաստումային գործընթացի կազմակերպման մեթոդագործնական աջակցությունը:

2. Առաջարկել Հայաստանի Հանրապետության Սյունիքի մարզի մարզպետարանի գլխավոր քարտուղար Էդգար Մարտիրոսյանին (համաձայնությամբ). 1) Ապահովել շարժական պատվաստումային խմբերի ձևավորումն ըստ անհրաժեշտության Կապան քաղաքի հանրային վայրերում կորոնավիրուսային հիվանդության (COVID-19) դեմ պատվաստումներ իրականացնելու համար՝ համաձայն Հայաստանի Հանրապետության առողջապահության նախարարի 2020 թվականի օգոստոսի 17-ի թիվ 21-Ն և Առողջապահության նախարարի 2017 թվականի ապրիլի 17-ի թիվ 1189-Ա հրամաններով սահմանված պահանջների»,- ասված է հրամանում։

--00--ԱԹ