ԵՐԵՎԱՆ, ՀՈՒԼԻՍԻ 28, 24News
«Ադրբեջանը շատ լավ գիտակցելով, թե ովքեր են այսօր ՀՀ-ում իշխանության ղեկին, ուզում են, Հայաստանի տարբեր սահմանային հատվածներ թեժացնելով, հաշտության, սահմանազատման և սահմանների ճշգրտման անվան տակ գալ ինչ-որ եզրակացության և ունենալ փաստաթուղթ, որի ամբողջ նպատակը լինելու է այն, որ Արցախի հարցն ամբողջությամբ անտեսվելու է, և մոռանալու ենք Արցախը։ Եթե գնանք այս ճանապարհով, սա ՀՀ-ի այսօրվա իշխանության դավաճանության 2-րդ փուլի սկիզբն է»,- այս մասին 24TV-ի եթերում ասել է ՀՅԴ ԳՄ անդամ, «Հայաստան» խմբակցության պատգամավոր Իշխան Սաղաթելյանը:
Անդրադառնալով խորհրդարանական առաջիկա գործունեությանը՝ Սաղաթելյանը նշել է, որ օգտագործելու են օրենքով իրենց տրված ողջ գործիքակազմը, և բացի դրանից, անհրաժեշտության դեպքում կկազմակերպեն անհնազանդության ակցիաներ և կակտիվացնեն փողոցը:
Բանախոսն անդրադարձել է նաև Հայաստանի ներքաղաքական դաշտում սպասվող զարգացումներին, այդ թվում ընդդիմության պահվածքին, իշխանության հետ հնարավոր համագործակցությանն ու թեմային վերաբերող այլ կարևոր հարցերի:
Մանրամասները՝ տեսանյութում:
--00--ԿԿ