ԵՐԵՎԱՆ, ՕԳՈՍՏՈՍԻ 29, 24News
ՊՍԺ-ի արգենտինացի հարձակվող Լիոնել Մեսին կարող է նորամուտը նշել ֆրանսիական ակումբի կազմում օգոստոսի 29-ին կայանալիք Ֆրանսիայի առաջնության 4-րդ տուրի «Ռեյմս»-ՊՍԺ խաղում։ Մեսին ՊՍԺ տեղափոխվելուց հետո առաջին անգամ ընդգրկված է թիմի հայտացուցակում։
ՊՍԺ-ի հայտացուցակում է նաև բրազիլացի հարձակվող Նեյմարը, ով նոր մեկնարկած մրցաշրջանում որևէ հանդիպման չէր մասնակցել։
Ֆրանսիական ակումբի հայտացուցակում ընդգրկվել է նաև ֆրանսիացի հարձակվող Կիլիան Մբապեն, ում՝ «Ռեալ» տեղափոխության մասին խոսակցություններն ու լուրերը չեն դադարում։
«Ռեյմս»-ՊՍԺ հանդիպումը տեղի կունենա օգոստոսի 29-ին և կմեկնարկի Երևանի ժամանակով ժամը 22։45-ին։