ԵՐԵՎԱՆ, ՀՈԿՏԵՄԲԵՐԻ 25, 24News
Պատերազմից հետո առավել ակտիվացավ հակաարցախյան շարժումը։ Մաքուր հագուստով, «գծված թրաշով» մարդիկ խոսում էին ընդդեմ Արցախի ու նշում, թե Փաշինյանը փրկել է իրենց։ Այս մասին այսօր հրավիրված ասուլիսի ժամանակ ասել է ՀՀԿ Երիտասարդական կազմակերպության անդամ Հայկ Դերզյանը։
Նրա խոսքով՝ պատերազմից հետո Փաշինյանը Հայաստանը ներկայացնում է որպես խեղճ, որևէ նկրտում չունեցող պետություն։
«Ունենք մի իրավիճակ, երբ մեր քաղաքացիները հանգիստ չեն կարող երթևեկել Հայաստանի սահմաններով, որովհետև ինչ-որ պահից կարող է պարզվի, որ իշխանությունը այդ սահմանը ադրբեջանական է ճանաչում»․-ասաց նա։
ՀՀԿ Երիտասարդական կազմակերպության անդամ Տիգրան Վարդանյանն էլ խոսելով սպասվելիք հնարավոր հանրահավաքների մասին, նշեց՝ «ՀՀԿ-ն իր պայքարը շարունակելու է այնքան ժամանակ, մինչև բոլորս միահամուռ բացականչենք «Առանց Նիկոլ Հայաստան»։ Կա Նիկոլ, չկա ապագա, կա ապագա, ուրեմն չպետք է այդտեղ լինի Նիկոլ»։
Մանրամասները՝ տեսանյութում։
--00--ԿԿ