ԵՐԵՎԱՆ, ՆՈՅԵՄԲԵՐԻ 23, 24 News
Նոյեմբերի 14-ին, ժամը 20.30-ի սահմաններում, օպերատիվ կառավարման կենտրոնից ոստիկանության Նոր Նորքի բաժնի Ավանի բաժանմունք հաղորդում էր ստացվել, որ Ռուբինյանց փողոցի շենքերից մեկի մի բնակարանից գողություն են արել:
Ոստիկանությունից հայտնում են, որ օպերատիվ խումբը մեկնեց նշված հասցե: Իրավապահները զրուցեցին տուժողի հետ, ուսումնասիրեցին դեպքի վայրը: Տանտիրուհին երեք ժամով տնից բացակայել էր: Ժամը 15-ից 18-ը, օգտվելով պատուհանը բաց լինելու հանգամանքից, բնակարանից դյուրակիր համակարգիչ էին գողացել:
Դեպքի առթիվ հարուցվեց քրեական գործ:
Ոստիկանության Ավանի բաժանմունքի քրեական հետախույզները տեղեկություններ ստացան, որ գողությունն արել է Ռուբինյանց փողոցի 17-ամյա մի բնակիչ: Նոյեմբերի 19-ին նա հայտնաբերվեց և բերման ենթարկվեց ոստիկանության Ավանի բաժանմունք, ապա ներկայացվեց նախաքննական մարմնին ու ձերբակալվեց:
Համակարգիչը հայտնաբերվել է:
Կատարվում է նախաքննություն:
--00--ԱՀ