Հնարավոր է՝ ողջերը չտեսնեն Ավետյաց երկիրը, հանուն մի կտոր հացի վաճառել ենք մեր անդրանիկությունը

ԵՐԵՎԱՆ, ՆՈՅԵՄԲԵՐԻ 24, 24News

Հնարավոր է՝ ողջերը չտեսնեն Ավետյաց երկիրը, հանուն մի կտոր հացի վաճառել ենք մեր անդրանիկությունը: Այս մասին 24TV-ի «Հարցազրույց» հաղորդման եթերում ասաց Հայ առաքելական եկեղեցու Տավուշի թեմի առաջնորդ Բագրատ Սրբազանը:

Սրբազանի համոզմամբ, աղմուկի և հայհոյանքի մեջ եկեղեցու ձայնը լսելի չէ, մարդիկ կորցրել են լսելու կարողությունը՝ մնալով հպարտության և ամբարտավանության մեղքերի մեջ:

Բագրատ սրբազանը խոսեց նաև պետություն-եկեղեցի փոխհարաբերությունների մասին։ Նրա կարծիքով, եկեղեցին որևէ մեկի հետ կոնֆլիկտ չունի, ընդհակառակը՝ եկեղեցու հետ կոնֆլիկտ ունեն՝ ձգտելով հարվածել պատմական այդ ինստիտուտին:

«Ապիկար կառավարիչների ձախողումների մասին խոսելու փոխարեն փորձում են եկեղեցուն քավության նոխազ դարձնել»,-նշեց Տավուշի թեմի առաջնորդը:

Սրբազանը նաև ավելացրեց, որ մենք մեղքը մերժած ազգ ենք դարձել, իսկ այս ինքնաարդարացումը հանգեցրեց անկման:

Մանրամասները՝ տեսանյութում։