Ինձ չեն վստահում բանակի վերակառուցումը, դեմագոգիա է, թե վախենում են, որ իբր հեղաշրջում կանեմ

ԵՐԵՎԱՆ, ԴԵՄՏԵՄԲԵՐԻ 2, 24News

«Ինձ չեն վստահում բանակի վերակառուցումը, դեմագոգիա է, թե վախենում են, որ իբր հեղաշրջում կանեմ»,- այս մասին 24TV-ի «Հարցազրույց» հաղորդման եթերում նշեց Արցախի Պաշտպանության բանակի նախկին հրամանատար Սամվել Բաբայանը։

Բաբայանի համոզմամբ՝ Հայաստանին ձեռք է տալիս, որ Մեղրիի ճանապարհը բացվի, դա միջանցք չի լինելու, այլ միջազգային ճանապարհ, որը լուրջ օգուտներ կբերի պետությանը։ 

Նրա կարծիքով, Մեղրիի ճանապարհն ու երկաթգիծը պետք է անպայման բացվեն, քանի որ չպետք է այլևս բուֆերային գոտի լինենք երրորդ պետության համար, դրանով նաև մեր պետության կշիռը կմեծանա։ 

Խոսելով Արցախի կարգավիճակի մասին՝ Բաբայանն այն համոզմունքը հայտնեց, թե հիմա կարգավիճակի հարց քննարկել, նշանակում է Ղարաբաղը տալ Ադրբեջանին, ընդհակառակը՝ պետք է քննարկվի մանդատի հարցը։

Ըստ Բաբայանի՝ Ղարաբաղի մանդատը պետք է տալ Մոսկվային, մինչև երկու ժողովուրդների մոտ վստահություն և փոխըմբռնում կլինի։ 

Մանրամասները՝ տեսանյութում։