Մակունցի եղբայրը՝ ՊՆ-ում

ԵՐԵՎԱՆ, ՀՈՒՆՎԱՐԻ 21, 24News

ղզցղզց

ՀՀ պաշտպանության նախարար Սուրեն Պապիկյանն իրեն օգնական է տարել ԱՄՆ-ում  ՀՀ դեսպան Լիլիթ Մակունցի եղբորը՝ Վահե Մակունցին: Այս մասին գրում է 168.am-ը:

Նշենք, որ նշանակումից առաջ փոխվարչապետ Համբարձում Մաթևոսյանի  որոշմամբ՝ Վահե  Մակունցն ազատվել է փոխվարչապետի օգնականի պաշտոնից:

Հավելենք, որ Մակունցը եղել է Սուրեն Պապիկյանի օգնականը, երբ նա փոխվարչապետի լիազորություններն էր իրականացնում:

Ավելի վաղ հայտնել էինք, որ Սուրեն Պապիկյանը Պաշտպանության նախարարություն է տարել նաև 23-ամյա Մանե Մարկոսյանին, ում 2021-ի օգոստոսին նշանակել էր ՀՀ փոխվարչապետի օգնական, իսկ այդ ժամանակ փոխվարչապետի լիազորություններն իրականացնում էր հենց ինքը՝ Պապիկյանը:

Պաշտպանության նախարարի երիտասարդ օգնականը եղել է նաև ՀՀ տարածքային կառավարման և ենթակառուցվածքների նախարարի օգնական:

--00—ՍԳ